鬣狗

(今日為廣東話mode)

成日都覺得，當今世上做名人真係好慘。稍有差池，就一定會遭炒作一番，人生可能就咁完蛋。

其實人地做錯事又關你乜事呢？分手情變有需要向公眾交待嗎？被拍裸照又點解要你黎評論？

如果人人平等的話，咁他朝我同人分手，係咪要立即搵狗仔隊咬返我一頭半個月，爆哂我同另一半啲身家底細情史暗病出黎，然後被萬夫所指，從此o係香港抬唔起頭做人？

做傳媒都仲有藉口話自己有必要咁做，因為有新聞價值可賺錢(是否合乎道德就另論了)；一般普羅大眾，有必要天天將其掛在嘴邊嗎？

你講多一秒，人地o既痛苦就延長多一分鐘。將心比己，有啲事聽咗就算啦。